وليد صابر
ادارة المنتدي
العمر : 23
سجّل في : 13 يونيو 2007
عدد المساهمات : 387
 |  موضوع: حبيبنا من عشرين سنه وسته ؟؟؟؟؟؟؟؟؟؟؟؟؟؟؟؟؟  السبت سبتمبر 22, 2007 10:03 pm | |
| حبيبنا من عشرين سنه وسته
نازل بيع فينا حته حته
ومش عايز يسبنا ويريح الجته
العمال بيسرحوهم من كل حته
والشباب نفسه يسافر أى حته
والمليارديرات كتروا فى اللسته
وأقتصادنا محتاج علاج وروشته
والأنتخابات عندنا بقت أخر فته
حبيبنا قال معاكم لأخر دقيقه
وكأن حبه فى قلوبنا حقيقه
وقلوبنا منه مولعه حريقه
بعد ماحولها لقصر وحديقه
يربع فيها ويسمع موسيقه
وبلدنا فى الهم والحزن غريقه
حبيبنا مرجحنا شمال و يمين
رأسماليين ولا أشتراكيين
أحنا مع مين محناش عارفين
باع أملاكنا للفاسدين
ضيع حقوق الفلاحين
وحقوق عمال مصر الغاليين
والملايين قاعدين عاطلين
حبيبنا قال أنا رئيسكم وولى الأمر
وخلانا سكارى من غير خمر
ومن الغلا مشانا على الجمر
وعلمنا نشوف ونطيع بالأمر
واللى يتكلم يتحبس لأخر العمر
حبيبنا عايز يورثها لجمال وخديجه
وكلام المعارضه ماعدش له نتيجه
وتركنا نلعب كوتشينه وطاوله وسيجا
بعد ما ما أصفرت أوراق النتيجه
حبيبينا كل يوم يقول فينا خطاب
يشرح لنا فيه أنه على صواب
على اللى بنشوفه من تدمير وخراب
و اللى بنشوفه من إلم و عذاب
يتكتب فيه بدل الصفحه كتاب
تدخلنا الجنه من غير عقاب
حبيبنا أمتى تفارقنا وتعانق التراب
ونرجع نأكل من تانى كباب
بعد ما على أيديك نشف اللعاب
وضاعت أيام العمر و الشباب
منقووووووووووووووووووووووووول
_________________
ENG\WALIED SABER AHMED
MOBILE MAINTENANCE ENGINEER
INTERNATIONAL ITISALAT I2 |
|
eng_ossama
عضو مشارك
العمر : 23
سجّل في : 14 يونيو 2007
عدد المساهمات : 477
Localisation : Egypt
| | موضوع: رد: حبيبنا من عشرين سنه وسته ؟؟؟؟؟؟؟؟؟؟؟؟؟؟؟؟؟ الأحد سبتمبر 23, 2007 10:17 pm | |
| انت علطول كده متهور ياوليد
مش بس في الكورة...كمان في السياسة؟؟؟؟
ياريت متقطعش الجوابات في المعتقل ...واحنا هنبقي نعدي عليك بعيش وحلاوة .... متقلقش
ولا بلاش.......أحسن نروح في الرجلين
معلش ياأخ وليد.....العمر مش بعزقة
 |
|
وليد صابر
ادارة المنتدي
العمر : 23
سجّل في : 13 يونيو 2007
عدد المساهمات : 387
| | موضوع: رد: حبيبنا من عشرين سنه وسته ؟؟؟؟؟؟؟؟؟؟؟؟؟؟؟؟؟ الإثنين سبتمبر 24, 2007 12:20 am | |
| يا عم اسامة خليها على الله
وبعدين الشعر ده جميل جدا ومعبر
عجبنى اوى فقولت ابعته للمنتدى
يا جماعة لو مش عجبكم النوعيه ديه قولولى
اللى بيحب الريس يقول وانا ابطل تريقه عشان خاطره
وعلى راى عادل امام هشتكنا وبشتكنا يا ريس
_________________
ENG\WALIED SABER AHMED
MOBILE MAINTENANCE ENGINEER
INTERNATIONAL ITISALAT I2 |
|
