وليد صابر
ادارة المنتدي
العمر : 23
سجّل في : 13 يونيو 2007
عدد المساهمات : 387
 |  موضوع: مسامير جحا 3 وعجبى ؟؟؟؟؟؟؟؟؟؟؟؟؟؟؟؟؟؟  الأربعاء سبتمبر 26, 2007 12:55 am | |
| فاضل كام رئيس تحرير ماتحبسش؟
عدوا معايا : ابراهيم عيسى،وائل الابراشي،عبد الحليم قنديل، عادل حمودة،أنور الهوارى .. كل دول رؤساء تحرير خدوا احكام بالحبس ..يبقى فاضل كام رئيس تحرير ماتحبسش؟ يالا مين يزود يا جدعان .. مين يقول كمان
مكافأة جنيه زيادة لعمال النظافة في كفر الشيخ
مجلس محافظة كفر الشيخ قرر زيادة أجور عمال النظافة من 6 جنيهات يوميا إلى 7 جنيهات وذلك تشجيعا لهم .. يالا علشان تجوزوا العيال واللي عاوز يبني الدور التاني كمان واتبرعوا بالباقي لسداد ديون مصر .. وعجبي
زودها حمودة والابراشي وعيسى وقنديل بصراحة ..
زودها حمودة والابراشي وعيسى وقنديل ..كان لازم المحكمة تقطع ايديهم وارجلهم من خلاف حيث كان على القاضي ان يحمي الارض من الفساد والافساد وان يقطع دابر كل من كفر بالحزب الوطني
استعد يا دكتور فاورق الباز:
البلد نازلة لتحت ..استيرادنا الأدوية من باكستان خيبة قوية..البلد يعاني مشاكل ومعضلات كبري .. استعد يا دكتور لهجوم الصحف القومية كالمعتاد
يارب عقبال مصر
الوزراء في الصين واليابان وحتى الأردن بتستقيل او تنتحر بسبب الاتهام بالفساد او حدوث مشكلة في الخدمة المقدمة للشعب .. هو احنا مش هانسمع حاجة عن مصر قريب ولا ايه؟
يبقى انت أكيد في مصر
اذا كنت فيه بلد فيها نسبة أمية عالية ومع كدا ها تعمل بطاقة ذكية للمياه وبطاقة ذكية للمواصلات وبطاقة ذكية للتموين وعندنا حكومة الكترونية نص موظفينها مالهمش علاقة بالكومبيوتر يبقى انت اكيد في مصر
اتاريني كنت باحلم
اجتمع القادة العرب وقرروا قطع العلاقات مع إسرائيل ودعم صمود الشعب الفلسطيني والعمل على وحدة العراق وحفظ دماء العراقيين وانهاء مشكلة دارفور والمصالحة بين ليبيا والسعودية .. وفجأة .. صحيت من النوم لقيت الغطا في الأرض
وعجبى 
_________________
ENG\WALIED SABER AHMED
MOBILE MAINTENANCE ENGINEER
INTERNATIONAL ITISALAT I2 |
|
