سؤال مهم-موضوع هام للنقاش

سؤال بسأله لنفسي من زماااااااااااااااااااااااان
هو صحيح لو أنا بقيت رئيس جمهورية ....... ياتري هعمل كل اللي نفسي فيه من اصلاحات؟؟؟؟؟
ياتري لو مسكت المسؤلية.........هحقق كل اللي كلنا بنحلم بيه دلوقتي؟؟؟؟؟؟
نظافة...تقدم....ازدهار....نرجع القدس لينا ولو بالحرب....ازرع الصحاري...واملي الدنيا عمار.... مخليش ولا فقير في مصر....
طب لو فعلا انا هعمل الكلام ده وممكن أعمله........طب ليه اللي قبلي معملوش؟؟؟؟
هل اللي في السلطة شايف حاجات انا مش شايفها؟؟؟؟؟؟
ولا هو فعلا غلط....واحنا اللي صح؟؟؟؟؟؟؟
ليه دايما الحكومة في وادي والشعب في وادي؟؟؟؟؟؟؟؟
رغم ان معظمهم اساتذة متخصصين وعلي درجة علمية متميزة

ياريت تفكروا معايا وتكتبوا رأيكم

و الله يا اسامه دي كلها اسئله كويسه
بس انا اعتقد ان اللي بيمسك رئاسه الدوله ده اكيد بيكون شايف حاجه احنا مش شايفنها
و خاصه من الناحيه السياسيه
يعني بالذات الدوله اللي بيكون اقتصادها ضعيف و بتاخد معونات من دول اخري ذات سلطه
بس اكيد فرصه الاصلاح موجوده لو كل واحد من مكن عمله كان عنده ضمير و ابتدي بنفسه
وبالاخص المسؤلين الكبار عن الدوله لو اتقوا ربنا في الامانه اللي في ايديهم
وربنا يصلح الاحوال ان شاء الله في زمن ضاعت فيه القيم

[شكرا ليكي يامروة علي الرد
وربنا يهدي الحكام المسلمين الي ما يحبه ويرضاه

]

السلام عليكم ورحمة الله وبركاته
حقيقى سؤال حلو ولكن محتاج تأصيل يعنى نرجع بيه للخلف حتى نصل الى اصل الحاكم وهو انه كان فى يوم من الايام واقف مثلنا مع اصدقائه ومكنش فى دماغه انه هيكون رئيس ولا حاجة والمشكلة هى انه اى واحد من الاصدقاء كان هو الرئيس مكنتش هتفرق كتير لان ابناء الجيل الواحد فكرهم فى الغالب بيكون موحد وقريب من بعضه فلو كويسين يبقى الرئيس اللى هيخرج منهم كويس ولو غير كده يبقى النتيجة كما هى الان فلو تحب تحكم على نفسك او اى واحد فينا لو بقى رئيس هيعمل ايه فممكن تشوف الاغلبية العظمى من جيلنا عاملة ازاى وتأكد ان الرئيس هيكون واحد منهم بنفس الفكر
حد فهم حاجة

شكرا ليك يامبروك علي الرد
ولكن هذا لا يمنع اختلافي معاك في وجهة نظرك
مش شرط ان الشباب اللي عايشين في جيل واحد يكون فكرهم غالبا واحد او قريب من بعضه
والدليل علي ذلك....ان هتلاقي بين الاصدقاء خلافات كبيرة في وجهات النظر في مواضيع جوهرية وحيوية
انت ممكن يكون قصدك ان الشباب من جيل واحد بيتعرضوا لنفس الضغوط والمشاكل ونفس برامج التوجيه المباشرة وغير المباشرة
لكن في الاخر اللي هيوصل للحكم بيوصل نتيجة ظروف وتغيرات وأجواء سياسية تختلف من عصر لأخر

اولا انا اسفه على تأخرى فى الرد بس والله غصب عنى

الموضوع اللى انت اتكلمت فيه ده يا اسامه مهم جدا
و الأسئله ده مهمه كلواحد يسئلها لنفسه انا نفسى بجد
اعمل حاجه لذلك انا هحاول على قد ما اقدر
ان افيد بلدى بما تعلمته جايز ده تكون بدايه

شكرا جدا جدا جدا يا اسامة على الموضوع الجميل ده
ولكن تقدم اى دولة ورخائها ليس قائم على الحاكم فقط بل هى مسئولية على عاتق كل فرد فى هذة البلد ، ابتداء من الرئيس الى الخفير من الامام على المنبر الى الطلاب فى الجامعات
وعلى كل وسائل الاعلام وكل واحد نفسه يشوف تغيير فى الدنيا لازم يشوفه فى نفسه الاول
واحنا طبعا لينا دور كبير بصفتنا مهنسين حيث اننا نلعب الدور الرئيسى فى التنمية والبناء

شكرا يامروة ويا أحمد على الرد الجميل
وانا متفق معاكم في الرأي...ان كل واحد لازم يعمل اللي عليه
فكلكم راع وكلكم مسؤول عن رعيته
لكن في نقطة خلاف في الرأي بيني وبين أحمد شريف فحبيت أثيرها
علي منتدى الرأي العام عشان أعرف رأيكم فيها ايه
--
--
--
هل الاصلاح الحقيقي يبدأ من قاعدة الهرم ( الشعب ) أم من قمته ( الرئيس ) ؟؟؟
وأيهما أنسب لنا؟؟؟؟؟
--
--
--
منتظر أرائكم جميعا

اظن ان الاصلاح قد يأتى من الناحيتين القاعدة او الرأس
والاصلح والاسرع يكون من الرأس لان القائد له تأثير اكبر واسرع
لكن فى حالتنا نحن لابد ان يكون التغيير من القاعدة وذلك لسببين
1- ان القادة الحاليين يبدو انهم لا يريدو اصلاح والمعارضة غير جادة وغير صادقة فى معارضتها
2-الشعب الصالح لن ينتج الا حاكم صالح (من اعمالكم سلط عليكم)
كما اننا لا نعرف من يمكنه مواجهة الرأس من اجل الاصلاح فإلى متى نظل فى انتظار المنقذ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

انا اسف علي تأخري في الرد ياأحمد
كلامك وجيه يااحمد.....بس من وجهة نظرك...كم من الوقت نحتاجه لكي ننهض ببلدنا
اذا أردنا البدء من القاعده؟؟؟؟؟

فعلا الموضوع حلو قوى بس تفتكر يابشمهندس لو فى يوم من الايام كنت فى منصب كبير هتعمل كل اللى كنت بتحلم بيه ولا هتنسى كل الكلام وكل الى كنت بتتمنى تعملو من أصلاحات وهتفكر فى مصلاحتك فقط والذاى تحافظ على منصبك ومكانك وبعدين طبيعة أغلب الناس بتتكلم كتير بس مبتعملش حاجة

ودلوقتي ممكن نحول مجري الحديث شوية؟؟؟؟؟؟
لو صحيت من النوم لقيت نفسك رئيس جمهورية....زي ما حصل كده في فيلم ظاظا

ياتري ايه هي أول حاجة تفكر تعملها؟؟؟؟؟؟؟؟
مش بس كده...........الأهم......هتعمل الحاجة دي ازاي؟؟؟؟؟؟؟؟؟

انا اول حاجه هعملها انى هصدر امر لوزير الداخيله(طبعا مش هيبقى حبيب العدلى) انه يحبس كل الوزراء اللى كانوه فى عهد حسنى مبارك ويحقق معاهم ويقولهم من اين لكم كل الاموال ديه واللى يطلع منهم سرق فلوس البلد يتعدم فى ميدان التحرير.

على فكره انا مش وليد صابر ولا ديه صورتى؟؟؟؟؟؟؟؟؟؟؟؟؟
_________________
waled saber ahmed
l3 maintenance engineer
international itsalat i2

انا عن نفسى لو اصبحت رئيسه جمهوريه اول حاجه هعملها ان انصف كل مظلوم للبلد ده واعيش كل فئه الشعب المقهوره ماديا فى نعيم يعنى ده على قد ما ربنا يقدرنى